kaloythoughts

Category Archives: Holy Week

Maaga ako matutulog ngayong gabi, bukas kasi sasamahan ko si Papa Jesus.

Kinabukasan pinanuod ko ang paghahanda ni Tito Alvin. Nagpahingi siya sa akin ng garapon ng stick-o sa tindahan ni Mama, pinakuha din niya sa akin ‘yong lubid at palaspas na tinabi niya kagabi tsaka ‘yong maroon niyang t-shirt na binutasan niya ng dalawa para makakita. Noo’y tinakpan na niya ang kanyang mukha gamit na nga ang maroon na t-shirt. Tapos, isunuot na rin niya ang korona niyang gawa sa dahon. Tumayo siya sa harapan ko.

“Jayjay, kamusta itsura ko?”

Tinignan ko siya mula ulo hanggang talampakan. Wala siyang damit, maong na pantalon lang ang suot niya na pinaluputan ng lubid. Sa totoo lang, nakakatakot si Tito pero inisip ko na lang, ganon siguro talaga dapat. Wala akong sinabing salita kundi isang thumbs up lang. Tsaka na siya dumapa at nagpasugat sa likod gamit ang blade. Pagkatapos noon ay nagsimula na kaming naglakad.

Halos pula na ang lamang tubig ng hawak kong garapon ng stick-o ng matanaw ko ang arko ng baranggay hall. Natuwa ako na malapit ng matapos ang panata ko, iba ang pakiramdam na matatapos na ang pagtulong ko kay Papa Jesus. Gagaling narin ang ulcer ni Tito Alvin. Pero, bigla akong naguluhan sa nadatnan namin.

Ang daming Papa Jesus. Nakadapa, pinapalo ng malakas, sa pwet. Kawawa sina Papa Jesus.

Bakit hindi sila tinutulungan ng mga nanunuod? Bakit nakangiti ang mga tao sa paligid? Parang nagkakasayahan pa sila. Hindi ko napigilan ang mga luhang tumulo sa aking pawisin at duguang mukha, talsik ng dugo ni Tito.

“Isang Papa Jesus lang ang tinulungan ko, hindi ‘yon sapat para magican niya si Lola para gumaling”

Pinunasan ni Tito Alvin ang pisngi ko, tapos ay lumuhod siya sa harapan ko at banayad na tinabing ang maroon na t-shirt na tumatakip sa pagod na pagod niyang mukha.

“Hindi lahat ng umiiyak malungkot, kagaya ng hindi lahat ng tumatawa masaya diba?”

Naguluhan ako sa tanong niya, pero tumango lang ako.

“Kagaya din ng hindi lahat ng nagpepenetensya ay namamanata kagaya mo Jayjay.”

Magulo parin ang mga salita ni Tito, wala akong naintindihan sa mga sinabi niya. Binalik na niya ang takip sa mukha at sinabi niya ang kanyang mga huling eksplinasyon na nagpagaan sa aking pakiramdam.

“Nakita ni Papa Jesus ang dedikasyon mo sa pagtulong sa akin, at sa palagay ko Jay, mas matimbang pa ‘yon sa ginawa ko ngayon o sa kapit bahay nating nagpapako sa krus kahapon na tumutungga na ng alak kanina sa kanto.”

Tumahan ako sa pag-iyak at kinuha ko ang palaspas ni Tito na binabad ko sa hawak kong garapon. Tsaka ko siya tinignan at binigyan ng thumbs up.


Kay ganda na ng bahay, halos ilang linggo na lang matatapos na ito. Tatlong palapag na may pitong silid na sinadya para sa lima kong anak at sa master’s bedroom namin ni misis at isang guess room.

Kung gaano kalaki at kaganda ng istraktura ay ganun din kaganda ng mga banyo. Malinis, may inudoro,  at linya ng tubig. Moderno ang disenyo, nakalulula naman sa espasyo ang salas na binalutan ng karpet at hindi ng bulok na plywood o mga mantsadong plastik, maging ang garahe nito’y maluwang na magiging tahanan ng tatlong magagarang sasakyan.

“Tonyo! Ayusin mo ang pagpukpok dyan. Lumilipad nanaman ang isip mo!” bulyaw ni Forman

Malamya na kasi ang hawak ko sa martilyo, halos hindi ko na maibaon ang mga pako sa bubong. Nanginginig na ang aking sikmura. Pati ang araw tirik na katulad ng aking mga mata. Nagbubuga ng usok ang bibig ni Forman habang nakasilong sa ibaba kasama ng kanyang sigarilyo, kulang na lang ay humilata siya sa kanyang pagkaka-upo.

Lumalangitngit ang nagliliyab na yero sa bawat kong hakbang, nilalapnos ang aking mga sakong at talampakan. Sinusunog pa ng araw ang sunog ko ng balat. Nagmamakaawa na rin ang aking sikmura ng pagkain, at umiiyak na ang aking katawan ng pahinga. Pero kailangan akong magpatuloy, sinubukan kong tignan ang mga tao sa ibaba, sinilip ko ang kanilang mga mukha. Nagtsitsismisan nanaman sina aling Milagring, tumatawa naman sina Kokoy. Tila hindi ako nakikita ng madla, tila hindi ako nabubuhay sa kanilang mundo.

Ngunit walang init ng araw, paso ng yero, gutom at pagod maging bulyaw ng demonyo at pagbabaliwala ng aking kapwa ang makatitinag sa aking paghahanap-buhay para sa aking buhay; ang aking limang anak, at asawa kong naghihintay sa ilalim ng tulay. Sa dampang aking tinagpiaan ng aking walang hanggang obligasyon; maging Ama sa kanilang lahat. Ilang ulit man ako mapako sa bukod tanging trabahong alam ko, hindi ko sila pababayaan. Hindi ko sila itatakwil at tatalikuran.

Dahil mahal ko sila kagaya ng pagmamahal sa akin, sa amin, sa atin ng pinaka idolo kong Karpintero.. Si Hesus.


Puspusan niyang binubuhat ito sa mainit na daan. Napaka-init ng sikat ng araw, halos napapaso na ang talampakan ni Manong. Pudpod na rin kasi ang tsinelas nito. Tumatagaktak rin ang pawis niya, tumutulo mula ulo hanggang sa tuluyang kumalas ang mga ito sa kanyang baba. At didilig sa naglalabaglab na lupa.

Napakalayo na ang nilakad ni Manong, pero ni isa wala pang nag alok sa kanya ng tulong. Kung sabagay, sanay ang lahat na makita siyang ganon. Pawisin, hapo, at halos pumuputok na ang ugat sa bigat ng dinadala. Ang hindi nila nakikita, ang dedikasyon ni Manong na buhayin ang kanyang apat na anak, at ang misis niyang nagdadalang tao sa kanilang munting bunso.

Sa bawat hakbang ni Manong mababanaag mo ang walang palya nitong pag-asa na sa bawat sigaw niya sa kanyang paulit-ulit na lirikong kanta ay may maiuuwi itong pagkain sa kanyang pamilya.

“Papaaag!!!” may tonong sigaw ni Manong na noo’y nilapitan ko.

Hesus pala ang pangalan niya.



Sesemonster

minsan kahit maasim ang buhay at may mga daga, masarap pa ring tumaya...

blag bleg blig BLOG blug

Bolang bilog huwag tutulog-tulog, sabihin sa akin ang correct answer.

Chalking Jobz

kapag ubos na ang tinta at pudpod na ang lapis

Pinay Unlimited

I don't want to be defined.

what i talk about when i talk about films

& other things i like to talk about

Spectator

a gray person

The Better Man Project ™

a journey into the depths

Il Dolce Far Niente

The Sweetness of Doing Nothing

boy with a hat

writing as a way of life

So, What's News?

News that won’t make you depressed to read the news.

May Tumawag sa Pangalan Ko.

Ang maKESOng mundo ni Chizkeyk

The Art Studio by Mark Moore

Where Imagination Becomes Realality

Ray Ferrer - Emotion on Canvas

** OFFICIAL Site of Artist Ray Ferrer **

stillness of heart

MUSINGS : CRITICISM : HISTORY : PASSION

willowdot21

An insight to a heart mind and soul.

Mythbroakia

STAY MYSTIFIED!

writinglikeastoner

Understanding life experiences, life lessons and being a better person.

The Good Greatsby

Paul Johnson's comedy blog: I didn't get into comedy to be rich or famous. All I've ever wanted was to be loved...by somebody rich and famous.

Susie Lindau's Wild Ride

Come for Adventure. Stay for the Ride.

I Kissed My Date Goodnight

A single thirty-something embarking on motherhood through the miracle of adoption.

the bunny blog

read -> surf -> eat -> repeat

glittering soot on her eyelashes

When I weep, I want to fuck it away. ~ Anais Nin

A Traveler's Tale

photography and travel interests, places, and things

Eastern Sea Star

This site will feature a wide variety of posts

wittypixaday

Just another WordPress.com site

Jillian Is Your Friend

{ramblings & chronicles on food x music}

COPYCARLA

The Lost Copywriter

Leaves in the Pages

Leave your mark on the page.

Ross Gale is a writer and editor from the Pacific Northwest.

Ross Gale is a writer and editor from the Pacific Northwest.

twitchyface

a personal blog

Traveler on Foot

Photo-essays and travel narratives

Sorry Television

Reading a book a week

Blog ni Lolo

Living a life with no regrets.We only get one shot at life. Make the most of it.

allmostrelevant

Want to see what an Instagram with no pictures looks like? @allmostrelevant

Golden.Faith.Within

following LOVE. showing JOY. seeking PEACE. spilling PATIENCE. integrating KINDNESS and GOODNESS. holding FAITHFULNESS. keeping GENTLENESS. abiding SELF-CONTROL

CoreyPonders

A Young Man From Wales That Writes Poetry......

urbanarchiver

My O_o @ Techs, Food, Travels, Cars, Fashion...A Diary, A Photoblog whatever....

Creativity Aroused

Arouse your inner creativity. Listen to your creative voice. Explore where it takes you!

Bucket List Publications

Indulge- Travel, Adventure, & New Experiences

jofelynmartinezkhapra.wordpress.com/

All content and images Copyright © 2017 Jofelyn Martinez Khapra. Any duplication or use of the images without her express permission constitutes copyright infringement.

%d bloggers like this: