Si Kaloy naging Karla!!

Rod, Kuya Erwin, Kaloy

Hindi ko namalayan pasko na pala, masyado akong naging abala sa mga pinagkakaabalahan ko. Kahapon ng kahapon December 23, Christmas party ng Golden Passage isa sa mga negosyo ng Direktor namin sa Noli Me Tangere. Kandidato si Kuya Erwin sa pakulong Miss Gay ng mga tunay na lalaki. ‘yon ang main event ng party. Medyo may edad na si Kuya Erwin, bukod doon hindi siya performer, kaya kinontrata niya ang tulong ko, kasama ang ilan sa mga kasamahan ko sa teatro.

Walang practice, kwentuhan lang. Habang inaayusan ni Maggie (make-up artist na kasama din namin sa teatro) ang manok namin, sinasabi ko naman ang mga pointers sa gagawin naming talent portion. Para dagdag sa lakas ng loob ni Kuya Erwin, pati kami damay sa talent. Ako si Ate Charo, si Kuya Erwin ang bida, si Maggie ang lasinggerong asawa na bubugbog sa kanya si Rod ang mukhang pokpok na back-up dancer niya kapag tumugtog na ang Proud Mary na ililip-sync ng aming bida.

Bumaliktad ang mga kasarian sa araw na iyon.

Kaming mga lalaki, naging babae. Ang aming natatanging babae na si Maggie, naging basagulerong lalaki. Tama, pati kami ni Rod nag-ayos, nagbihis at pinagmukhang babae. (Alam ko may nag-picture sa amin, i popost ko na lang kapag na-upload na)

Ano ang natutunan ko sa ginawang katatawanan?

1. Nakakatulong ang alak para lumakas ang loob magperform. (tried and tested ni Tina, pati ako nakigaya. Effective nga!)

2. Nakakahilo at nakakasakit ng ulo ang magsuot ng wig! (Saludo ako kay Alodia, sa mga bokal, at sa lahat ng nilalalang na nagsusuot ng ganun.)

3. Kung gaano nakakasakit ng ulo ang wig ganun naman nakakasama ng pakiramdam ang magsuot ng false eyelashes!! Peksman, pagkatapos ng talent portion namin feeling ko kinulam ako sa sama ng pakiramdam ko. Pero pagkahubad ko sa pekeng pilikmata, tada!!! Wala na ang sakit!

Kaya ang motto ko “wearing false eyelashes is not good for your health, parental guidance is advice!”

4. Akala ko hindi totoo, pero napatunayan ko. Dyahe ang magkaroon ng boobs, nakaka kampanerang kuba! Nakakakati ng kilikili ang strap ng bra/tape!

5. Last but not the least, nabilib ako at nakita kong lahat ng trabaho hindi madali. Saludo ako sa mga komendyanong bading, o nagpapanggap na bading na tinitiis hindi lang ang kahihiyan kundi pati ang parusang dala ng babaeng kaayusan makapaghandog lang ng konting kasiyahan.

Nga pala, ending ng kwento ko, hindi kami nanalo. Pero para sa akin si Kuya Erwin a.k.a Tina Pay ang natatanging Miss Golden Passage Spa ng gabing iyon!