Kahapon, bisperas ng pasko. Christmas party sa Florida Residences. (lugar kung saan ako namumugad recently) Kiddie party ang theme. Ako ang naghost mantakin mo ‘yon!, parang repeat performance sa nakaraang Halloween party hindi pa nadala sa hosting prowess ko. =D

Pinagkaiba nga lang mukha akong grade school sa suot ko. Plain green shirt, maong na short, mataas na medyas, sapatos, backpack at salamin. Pakiramdam ko tuloy ako si Nobita, kaibigan ni Doraemon, na color blinded sa napiling damit.

Ganun pala kapag nagkakaisa ang mga magkakapit bahay. Potluck ang mga mommies patalbugan sa sarap, ang kukulit at cute ng mga tsikiting, at binisita pa kami ni Santa! Habang ang mga daddies naman tulong tulong sa pagset-up ng venue at ng mga kakailanganin.

Masaya din dahil naka-attend sina Mama, Aki, Ate at Kuya Wam na natuwa rin sa pakulo ng buong subdivision.

Masaya maging masaya, pero mas masaya ang makapagpasaya.

Florida Residences will always be a home to me. Inampon ako ng community sa tulong narin ng kanilang President na si Madaam Mich. At sa bahay ni Kuya Patrick na parang bahay narin namin ni Joel.

Sa kabuuan, hawak ng taon na ito ang best Christmas ko!