Alam naman ninyong mahilig akong mag-aksaya ng tinta at kuryente sa kakatayp ng kung anu-anong kwentong binubuo ko para kumita ng pera at magkaroon ng dahila para hindi maligo.

Hindi na rin lingid sa inyong kaalaman na madaldal ako at makwento lalo na kung ang kinukwento ko ay ang aking mga sariling kwento -sariling likha.

At dahil nga naging malapit ako kay Miss O, naikwento kong may nais akong isulat na isang maikling kwento. At plano ko ito ibenta sa iba para maging pera. Ito rin ang pinaka maikli kong kwentong isusulat. Nagandahan naman siya at sinabing isulat ko daw ito.

Ginawa ko naman. At bukod sa ito ang pinaka maikling syort istori ko, ito rin ang pinaka mabilis kong natapos na dinatnan na ako ng umaga sa harap ng kompyuter.

Muntik ko ng maibenta, buti na lang naikwento ko ulit kay Miss O at nasabi ko ng tapos na ito. Ayon, instant director ako sa sarili kong kwento.

Kaninang umaga nga pala ang first shooting namin, grabe ang saya lang!😀