Pinitas ang sikwenta–

huling pera niya sa bulsa.

Perang galing sa kupit,

sa tindahan ng ina.

Kahalili ng dalawang pirasong,

namumukadkad na flaura.

 

Daling ikinulong ng tindera

sa papel. Ang bunga ng pagnanakaw.

 

Sa loob ng kulungan;

namalagi sila. Kamatayan ang sintensya

sa ambisyon ng feelingera.

Tila dugo ang talulot;

napakatingkad sa pagka pula.

 

Hawak ang ibidensya,

taas noong rumampa!

abot tenga ang ngiti

akala’y nakuha ang buri.

Linlangin ang madla

sa huwad niyang tuwa.

na siya rin ang biktima.